Google ADS

Arsenali i gatshëm për shkëmbimin Aubameyang – Giroud

08:18 | 16 Janar 2018
Arbresh Info

Arsenali është duke përgatitur një marrëveshje tronditëse për të siguruar transferimin e yllit të Borussia Dortmundit, Pierre Emerick Aubameyang.

“Topçinjtë” do të humbin këtë merkato superyllin Alexis Sanchez që pritet të kalojë te Manchester United ndërkohë që të dy klubet janë afër një marrëveshje prej 35 milionë funta, transmeton portali arbresh.info.

Trajneri i “Djajve të Kuq”, Jose Mourinho ka konfirmuar se Henrikh Mkhitaryan mund të transferohet në anën e kundër si pjesë e kësaj marrëveshje për transferim.

Por, Arsene Wenger dëshiron të përmirësoj tutje skuadrën dhe ka ofruar sulmuesin Olivier Giroud te skuadra gjermane në përpjekje për të siguruar shërbimet e yllin Aubameyang për një çmim më të lirë.

Borussia Dortmundi mendohet se është duke kërkuar 60 milionë funta për sulmuesin, por sipas mediave angleze, Arsenali është i gatshëm të paguaj 30 milionë funta bonuse plus yllin Olivier Giroud./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm